Ўзбекистон Мудофаа вазирлиги Қирғизистон ҳарбий-ҳаво кучларининг МИ-8МТВ вертолётини таъмирлаб, қайтариб топширди, деб хабар қилди вазирлик матбуот хизмати.
Қирғизистон президенти Садир Жапаров ижтимоий тармоқларда маълум қилишича, Қирғизистон ҳарбий самолётлари парки иккита жанговар вертолёт билан тўлдирилди.
У 2021 йилда Ўзбекистон Қирғизистонга бепул ёрдам сифатида МИ-8МТВ ҳарбий вертолётини берганини таъкидлади.
«Шундан сўнг Қирғизистон ҳарбий самолётлари паркидаги худди шундай вертолётлардан бири капитал таъмирлаш учун давлатга қарашли Чирчиқ авиатаъмирлаш заводига топширилди. Таъмирлаш ишларини Ўзбекистон Мудофаа вазирлиги тўлиқ ўз зиммасига олди”, — деди президент.
Қирғизистон Мудофаа вазирлиги мутахассислари самолётни қабул қилиб, Чирчиқ – Ўш, Ўш – Бишкек йўналиши бўйича етказиб беришди ва у тўлиқ ишга тайёрлигини маълум қилди.
«Буларнинг барчаси, албатта, Ўзбекистон президенти, муҳтарам Шавкат Мирзиёевнинг кўмаги ва назорати билан амалга ошди. Шу муносабат билан Шавкат Миромоновичга чуқур миннатдорчилигимни билдираман», — дея қўшимча қилди Жапаров.
